2024 Nov 11
Written by: Claudia and Hannah (Leg 1)
Translated by: Ivan (Leg 2)
自從聽到我哋需要中途返航消息後，我地團隊嘅心情一直都好沉重。
喺Standby嘅幾日，過去嘅航程就好似一場夢，夢想住航行到沖繩，感受日本嘅海風撫面。忽然間，颱風出現嘅現實驚醒左我哋，船長唯有做出呢個艱難嘅決定，就係.... 🥲要將舵180度轉向，直接折返香港！
原本仲期待緊可以航行去另一個目的地：台灣，但突然間有四個新嘅颱風吹埋嚟，去台灣嘅夢想瞬間破滅。為安全起見，我哋只可以折返香港。畢竟，人冇事，先可以做到世界冠軍！
海浪拍打船身嘅聲音，就好似喺度提醒緊我哋，生命總係充滿住意外同驚喜。但無論面對咩挑戰都好，我地嘅團隊始終都共同迎難而上，用幽默同諷刺嘅方式互相鼓勵。
曾經以為堅毅係由波濤洶湧嘅艱難海況入面磨練出嚟。但今次我哋被完全唔同嘅方式所挑戰。
我哋嘅「堅毅」就係接受未有預料嘅挑戰：依然把握當下，調整計劃同期望。
為左充分利用呢段時間同資源，我哋決定展開一場環繞香港嘅旅程：堅毅360！雖然我哋仍然在同颱風「賽跑」緊，但今次我哋有更多嘅停靠點同後備計劃。
就好似Outward Bound咁講：制定計劃，但千祈唔好對計劃過於依賴。我哋準備左多個方案，去確保每一個情況都可以隨時調整。
靈活應對就係我哋嘅「堅毅」。
當你哋睇緊呢篇航海日記嘅時候，我哋已經帶住截然不同嘅全新視野揚帆出海。
Comments